२०७९ जेठ ०२, सोमबार
Close
२०असोज,महोत्तरी/जबरजस्ती करणी मुद्दामा पीडितलाई विभिन्न पक्षबाट मुद्दा फिर्ता लिन प्रलोभन आउन थालेको छ ।
महोत्तरीको भंगहा नगरपालिका ९ की एक दलित समुदायकी एक महिलालाई जबरजस्ती करणी गर्न खोजेको आरोपमा वडा सचिव विरुद्ध जिल्ला प्रहरी कार्यालय महोत्तरमा जबरजस्ती करणी महला मा मुद्दा दर्ता भएपछि विभिन्न प्रलोभन आउन थालेको छ ।
भंगहा नगरपालिका ९ का वडा सचिव मिथिलेश यादवले गत बुधबार साँझ हरिनमरी बजारबाट साँझ ढकिया बेचेर फर्किँदै गरेकी महिलालाई बाटोमै रोकेर पोखरी नजिक लगि लछारपछार गर्दै जबर जस्ती करणीको प्रयास गरेको महिलाको आरोप छ ।
‘पैसा लिएर मिलापत्र गर्न धेरै किसिमको मलाई धम्की आइरहेको छ,पहिले दुई लाख दिन्छु भन्थे, नमानेपछि दस लाख दिन्छु भन्छ, अब १० कठ्ठा जग्गा तेरो नाममा गरिदिन्छु तर मुद्दा फिर्ता लिहाल, हैन भने मारिदिन्छु भनेर धम्की दिन्छन्, ‘ पीडित महिलाले भनिन, ‘स्थानीय जनप्रतिनिधि नै मलाई पटक–पटक पैसाको लोभ देखाउँदै मुद्दा फिर्ता नलिए ज्यान मार्ने सम्मको धम्की दिन्छ, तर मैले मानेको छैन, मैले मेरो खोसिएको अस्मिता र इज्जत त फर्किदैन, तर मैले गुमाएको अस्मिता त्यसै खेर जान दिन्न, मलाई न्याय चाहिन्छ।’
