२०७९ चैत्र ०८, बुधबार
Close
दमक,१५ पुस । यहाँस्थित दमक नगर खेलकुद विकास समितिले समग्र खेलकुद क्षेत्रको विकास गर्ने उद्देश्यले विद्यागत उपसमितिहरु गठन गरेको छ । समितिका पदाधिकारी तथा सदस्यहरुलाई थप समन्वयको जिम्मेवारीसहित विद्यागत नौ वटा खेलका संयोजकहरु तोकिएको नगर खेलकुद विकास अध्यक्ष समेत रहेका दमक ८ का वडा सदस्य भिमराज केसीले वताए ।
जसअन्तर्गत फूटबलका लागि मोहन मगर ,क्रिकेटका लागि बबरजंग थापा,भलिबलका लागि शैलेन्द्र श्रेष्ठ, व्याडमिन्टनमा दिलु सुव्वा, तेक्वान्दोमा गुमानसिंह तामाङ,करातेमा मूभि कोयु राई,चेसमा चन्द्र खत्री ,बक्सिङमा निशान धिमाल र एथलेटिक्समा विनोद भण्डारीलाई संयोजक तोकिएको छ । संयोजकहरुले आगामी पुस २५ गते भित्रमा सरोकारवाला तथा खेलाडीहरुलाई समेटेर बढीमा ११ सदस्यीय रहने गरि विद्यागत खेल समिति गठन गर्ने अध्यक्ष केसीले वताए ।
