२०७८ कार्तिक १०, बुधबार
Close
रेडियो झापा 100.7 MHz. आइतबार, आश्विन १७, २०७८    १९:५२:२६

पि.डि.एस.एस. वातावरण संस्था तथा हिमालयन वातावरण संरक्षण प्रा.ली. र टोखा नगरपालिका-७ को आयोजनामा वातावरणीय जनचेतनामुलक सरसफाई कार्यक्रम सम्पन्न भएको छ । शनिबार विहान टोखा नगरपालिका-७ को बाटो छेउछाउ तथा पार्कमा सरसफाईगर्दै जनचेतनामुलक कार्यक्रम सम्पन्न गरिएको हो ।

‘फोहोर मैलाको उचित व्यवस्थापन सस्थागत अभियान’ मूल नारा राखिएको उक्त कार्यक्रममा लायन्स क्लव अफ काठमाडौं अलौकिकको पनि संस्थागत सहभागिता रहेको थियो ।

कार्यक्रममा बोल्दै पि.डि.एस. एस. वातावरण संस्थाका अध्यक्ष कृष्णप्रसाद पौडेलले आफूहरूले विगत केही समयदेखि हरियाली काठमाडौंको परिकल्पनागरी सडक छेउछाउमा बोट बिरुवा रोपि त्यसको संरक्षण गर्दै आईरहेको बताउनुभयो ।

पौडेलले बोट बिरुवा रोपिसकेपछि त्यसको संरक्षण गर्न संस्थाले मात्र नभई हरेक समुदायले सहयोग पुर्‍याउनु पर्ने बताउनुभयो । आफूहरूले विगत लामो समयदेखि वातावरण संरक्षणको लागि सडक छेउछाउमा तथा पार्कहरूमा रुख विरुवा रोपी त्यसको संरक्षण गरिरहेको र हरेक समुदायले आफू स्वस्थ हुन आफ्नो घर वरपर सम्भव भएसम्म वोटविरुवा रोप्नुपर्नेमा जोड दिनुभयो ।

यस्तै हिमालयन वातावरण संरक्षण प्रा.लि.का अध्यक्ष भुपाल आचार्यले ग्लोवल वार्मीङका कारण विश्वले थुप्रै समस्याहरू झेल्नु परिरहेको यो विसम परिस्थितिमा यसरी रुखबिरुवा रोप्नु र त्यसको संरक्षण तथा आफ्नो वरीपरीको वातावरण स्वस्थ राख्नको लागि गरिने यस्ता कार्यक्रम बाट समुदायमा सकारात्मक सन्देश जाने बताउनुभयो । समुदायले पनि यसको लागि आ-आफ्नो ठाउँबाट सचेत भएर लाग्नुपर्ने बताउनुभयो । आचार्यले आफ्नो समुदायको वरपर फोहोर मैला गर्नेहरूलाई कढा भन्दा कढा कारवाही गर्नुपर्ने र त्यसको लागि समुदाय नै सचेत भइ लाग्नुपर्नेमा जोड दिनुभयो ।

यसैगरी टोखा न.पा. वडा नं. ७ का अध्यक्ष नरोत्तम रानाले आफ्नो नगरपालिकामा जस्तै सबै समुदायमा यसरी सरसफाई सम्बन्धी जनचेतनात्मक कार्यक्रमहरू सञ्ंचालन गर्नुपर्ने बताउनुभयो । कार्यक्रममा वरिष्ठ गायक भीमसेन टिलामा लगायत लायन्स क्लव अफ काठमाडौं अलौकिकका प्रतिनिधीसँगै स्थानिय बासीहरूको उल्लेख्य सहभागीता रहेको थियो ।

सम्बन्धित

ताजा

लोकप्रिय

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com