२०७९ मंसिर १३, मंगलबार
Close
रेडियो झापा 100.7 MHz. बिहिबार, पौष ०८, २०७८    ७:२९:५०

-डा.डिआर उपाध्याय,

अब देश बनाउने भनेको युवाहरुले हो । आज युवा पुस्ता राजनीतिमा अघि बढदै छन । पुरानो पुस्ताबाट नेतृत्व आफनो हातमा लिन युवाहरु लागेकै छन । युवा भनेका देशका कर्णधार हुन्, । पछिल्लो समयमा देशको जिम्मा युवालाई दिनु पर्छ भन्र्ने मान्यता रहदै आएको छ । युवाहरु बिना मुलुकको विकास र समृद्धि हुन सक्दैन । पुरानो पुस्ताले अब देशको बिकास गर्न सक्दैन । राजनीति भनेको समाज सेवा हो । राजनीतिको नाममा ब्यापार भइरहेको छ । यसमा सुधारको खाँचो छ । देशको विकास र जनताको हितका निम्ति नेताहरु इमान्दारका साथ लाग्नु पर्छ । विकास र समृद्धि नारामा मात्र होइन, ब्यवहारमा लागु गर्नु पर्छ । ऊर्जाशील युवा सत्तामा पुगे मुलुक गतिशील हुन सक्छ ।पछिल्लो समयमा राजनीतिप्रति युवाहरूको बढ्दो संलग्नता देखिएको छ । यो राम्रो सकेत हो ।

युवाहरू नयाँ सोच र नयाँ योजना लिएर अघि बढनु पर्छ । राष्ट्रियस्तरका सबै राजनीतिक दलमा युवाको सहभागिता उल्लेख्य छ । अधिकांश युवा आश लाग्दा छन् । मुलुकमा लोकतन्त्र स्थापित भए पनि लोकतान्त्रिक व्यवहार स्थापित हुन सकेको छैन । यो चिन्ताको बिषय हो । राजनीतिक दल र तिनका नेताहरु गैरलोकतान्त्रिक व्यवहार देखाउदै आएका छन । राजनीतिक दलका नेताहरुको गलत सोच र चिन्तनका कारण देश माथि उठ्न सकेको छैन ।नेताहरुको कार्यशैली र व्यवहारै गलत हुँदा देशमा समस्या आएको छ । सत्ता परिवर्तनले जनतामा उत्साह ल्याउन सकेको छैन । नेपाल कम्युनिस्ट पार्टी एमालेको १०औं महाधिवेशन, राष्ट्रिय प्रजातन्त्र पार्टीको एकताको महाधिवेशन र नेपाली कांग्रेसको १४औं महाधिवेशनमा युवाको सहभागीता रहेकै हो ।

यसमध्ये नेपाली कांग्रेसका केही आशलाग्दा युवा नेता आफ्नो हैसियत र क्षमता प्रदर्शित गराउन सफल बने । कांग्रेसको पछिल्लो महाधिवेशनले पुस्तान्तरणको आशा जगाएको छ । नेकपा एमालेले पुस्तान्तरणको आशा जगाउन सकेन । राप्रपाको महाधिवेशनले पनि केही आशा जगाएको छ । हाम्रो राजनीति स्वार्थमा केन्द्रित भएको छ । स्वार्थको राजनीतिले मुलुकलाई अघि बढाउन सकिदैन । अहिलेको राजनीति सेवाभन्दा आर्जनको पेसा बन्दै आएको छ । राजनीतिलाई आर्जनको पेसा होइन, सेवा ठानेर इमानदारिताका साथ लाग्नु पर्छ । अब युवाहरुले यो बिषयमा गम्भिरताका साथ सोच्नु पर्छ । युवाको अगुवाइमा देश बनाउने अभियान चलाउनु पर्छ ।

यसका निम्ति युवा नेताहरु जनताको मन जित्ने किसिमले अघि बढनु पर्छ । अहिलेका युवा नेताहरु परम्परागत ढंगले अघि बढन खोजे सफलता मिल्ने छैन । युवाले चाहे नहुने केही छैन । अहिलेका कर्मशील लाखौं युवा मुलुकमा रोजगार नपाएर बिदेश पलायन छन । युवालाई मुलुकमै रोजगार दिने बातावरण राज्यले मिलाउनु पर्छ । देशको विकास र समृद्धि गर्ने भनेको युवाहरुले हो । युवाहरुलाई बिदेश पठाएर मुलुकको विकास र समृद्धि हुदैन ।

कृषिप्रधान देश मानिँदै आएको हाम्रो मुलुक अहिले खाद्यान्नकै निम्ति परनिर्भर बन्नुपरेको छ । भएका उद्योग कलकारखाना व्यवस्थित नगरिँदा बन्द हुँदै आएका छन् । नयाँ उद्योग कलकारखाना खोल्ने सोच कसैमा छैन । निर्धारित समयमा पूरा गर्नुपर्ने निर्माण कार्य वर्षांैसम्म अलपत्र छन । मनपरी बजेटको दोहन गरिरहेका छन् । युवा जनशक्ति बेरोजगार बनिरहेको छ । रोजगारी प्रदान गर्न नेताले ध्यान दिएका छैनन् । मुलुकको भाग्य र भबिश्य निर्माण गर्न युवा अघि सर्नु पर्छ । अब युवा नेताहरुले मुलुकको भबिश्य प्रति ध्यान दिनुपर्ने आबश्यकता देखिएको छ । अब देश बनाउने हो भने गलत प्रवृत्तिमा सुधार ल्याउनु पर्छ ।

सम्बन्धित

ताजा

लोकप्रिय

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: http://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: http://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: http://www.radiojhapa.com