२०७९ जेठ ०३, मंगलबार
Close
रेडियो झापा 100.7 MHz. सोमबार, फाल्गुण १६, २०७८    १३:०५:१७

दक्ष इन्टरदेशनलद्धारा आयोजित सातौं मिस ब्युटीफुल नेपाल २०२२ को उपाधि याशिमा मल्ल ठकुरीले हाँसिल गरेकी छिन् । सोही मञ्चमा आयोजना भएको छैटौं संस्करणको मिसेस ब्युटीफुल नेपाल २०२२ को उपाधि रोजिना अधिकारीले जितेकी छिन् ।

पूर्व मन्त्रि एवं जनता समाजवादी पार्टीका वरिष्ठ नेता राजकिशोर यादवको प्रमुख आतिथ्यतामा आयोजित उक्त कार्यक्रम जमल स्थित नाचघरमा सम्पन्न भएको थियो । सो प्रतियोगितामा मिस ब्युटीफुल नेपालमा फस्ट रनरअप, पन्चुअल तथा मिस पपुलरको उपाधि अनिता खत्रीले जितिन् । यसै गरी सेकेन्ड रनरअप तथा बेष्ट स्किनको उपाधि खुस्बु अग्रवालले र थर्ड रनरअप तथा मिस डिसिप्लेनको उपाधि अन्सु अर्यालले हाँसिल गरे ।

सोही क्रममा मिसेस ब्युटिफुल नेपालतर्फ फस्ट रनरअप तथा बेस्ट र्याम्पवाकको उपाधि मायाँ श्रेष्ठ मतिनाले, सेकेन्ड रनरअप, पपुलर तथा पन्चुअलको उपाधि इन्दु कुँवरले प्राप्त गरे ।

सोही कार्यक्रम मिस नेपाल ब्युटीफुलको अन्य सवटाईटल अन्तर्गत फेशन आईकनको उपाधि बिनिता रानाले, बेस्ट स्माईल तथा मिल्टमिडिया च्वाईसको उपाधि शिल्पा बाजिकोले प्राप्त गरे । यस्तै फोटोजेनिकको उपाधि नम्रता अधिकारीले, मिस ट्यालेन्टको उपाधि उर्मिला बस्नेतले, बेस्ट डान्सरको उपाधि उषा घिमिरेले, मस्ट एक्टिभको उपाधि माया पान्डेले, बेस्ट फिजिकको उपाधि अस्मिता बखरेलले, बेस्ट पर्सनालिटीको उपाधि गीता प्रसाईले र बेस्ट हेयरको उपाधि रन्जना शाहीले हाँसिल गरे ।

यस्तै मिसेस ब्युटिफुलको प्रतिस्पर्धामा सब टाईटल तर्फ म्यानेजमेन्ट च्वाईस र बेस्ट स्माईलको उपाधि उपाधि सुनिता शाही ठकुरीले, डिसिप्लेनको उपाधि सुमित्रा बज्राचार्यले र फोटोजेनिकको उपाधि कल्पना पासवानले प्राप्त गरे ।

फाईनल समारोहमा गायिका सरिता भारतीले आफ्नो गीत मेरो जवानी…गाएर दर्शकलाई नचाईन् । यस्तै अभिनेत्री साक्षी लम्सालले प्रस्तुत गरेको नृत्य पनि त्यत्तिकै आकर्षक थियो ।

कार्यक्रममा सबैलाई स्वागत गर्दै आयोजक संस्था दक्ष इन्टरनेशलनका अध्यक्ष टेकराज पाण्डेले महिला र युवतीहरुको व्यक्तित्व विकाश तथा प्रतिभा प्रस्तुतिको लागि यो प्रतियोगिता बिगत सात वर्षदेखि आफुहरुले नियमित रुपमा आयोजना गर्दै आएको बताए ।

अभिनेता भुवन केसी तथा किरण केसीको विशेष आतिथ्यतामा सम्पन्न सो प्रतियोगितामा प्रतियोगिताका निर्णायकमा अभिनेता रमेश उप्रेती, नेपाल उड्यान प्राधिकरणका प्रबन्ध निर्देशक राजकुमार क्षत्री, गायक अँकित श्रेष्ठ, शिक्षासेवी पूर्ण लामा, डा. अर्पना शाह, सोना अमात्य र रेजिना तुलाधर थिए ।

नेपाली चलचित्र क्षेत्रमा लामो समयदेखि योगदान दिएको भन्दै हाँस्य अभिनेता प्रेम पाण्डे, उत्तम केसी कार्यक्रममा सम्मानित गरियो । यस्तै अन्तराष्ट्रिय कोरियोग्राफर आश्विनी कान्त झा, चलचित्र निर्देशक कल्याण अधिकारी, मेकअप आर्टिस्ट गीता पौडेल, ब्युटिसियन रचना शाक्य र रेनु शाक्य रानालाई पनि कार्यक्रममा सम्मानित गरिएको थियो । कार्यक्रमको कोरियोग्राफी तथा सञ्चालन रोजिन शाक्यले गरेका हुन् । प्रतियोगिताको ड्रेस डिजाईन पेजेन्ट नेपालले गरेको थियो ।

सम्बन्धित

ताजा

लोकप्रिय

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com

Contact

Radio Jhapa 100.7 MHz.
Phone: 023-586063
E-mail: [email protected]
Address: Damak -11 Jhapa
Website: https://www.radiojhapa.com